Broă rơcang ai dơ̆ tĕ khà cau ala măt Quốk hội khoă XVI mờ cau ala măt Mpồl duh broă Làng bol ală kấp tơngai lơh broă bơh nam 2026 tus 2031 geh bơyai lơh tàm bơta kwơ màng ngan, hơ̆ là tơnkah 80 nam Sơn tòm Dà lơgar, wèt tus tơnkah 80 nam dơ̆ Tĕ khà sơnrờp ngan pồ Quốk hội lơgar Việt Nam, dơ̆ rơndăp tăp sèng mpồl lơh broă gam geh lơh pràn kơl dang, wèt tus Pơrjum dờng cau ala măt gùt lơgar dơ̆ XIV Đảng dê kung bè bơta tàm dunia geh uă tam gơl, broă bơtàu tơnguh bơh broă tam gơl sồ.

Tơn jơh pơrjum, Phó Củ tịc Quốk hội ồng Nguyễn Đức Hải đơs nền, Mpồl dềt yal tơngit, mblàng jơnau geh kơnòl dong kờl Mpồl duh broă tĕ khà dà lơgar sồr lơh, bơto sồr broă yal tơngit, mblàng jơnau mờ pơlam tĕ khà. Do là kơnòl broă geh kwơ màng ngan, pơgồp bal tàm tàm broă lơh geh cồng nha bơh dơ̆ tĕ khà dê. Den tàng, ală cau tàm Mpồl dềt geh kơnòl uă ngan, pơgồp bal nền nòn nàng gàr niam dơ̆ tĕ khà geh bơyai lơh lơngăp lơngai ngan, geh cồng nha niam ngan.