Pơrjum dờng cau ala mat Đảng ƀộ Cíñ phủ dơ̆ I, tơngai lơh broă bơh nam 2025 tus nam 2030 rơp geh lơh tàm 2 ngai, ngai 12 mờ ngai 13/10/2025. Mờ bơta tus bal bơh 453 nă cau ala mat, ala mat ai rlau 209 rbô nă đảng viên gơ wèt 2 rbô 211 mpồl lơh broă đảng tàm jơh gùt Đảng ƀộ Cíñ phủ dê in. 

Pơrjum dờng cau ala mat Đảng ƀộ Cíñ phủ dơ̆ I, tơngai lơh broă bơh nam 2025 tus nam 2030 là pơrjum dờng sơn rờp bơh Đảng ƀộ Cíñ phủ dê jat broă lơh pa. Mờ jơnau đơs “Tam klac bal duh rơngòt adat boh lam – Làng bol lơh tờm tam gơl pa- Tam gơl pràn bơtàu tơnguh- Rềp làng bol”, Pơrjum dờng rơp tơn jơh, sền sơ swì cồng nha lơh broă tơngai bơh nam 2020 tus nam 2025; sền tìs di broă lơh đơng lam, sồr lơh bơh Mpồl duh broă Đảng ƀộ Cíñ phủ dê tơngai lơh broă bơh nam 2020 tus nam 2025; git nền gùng dà, jơnau kờñ lơh geh, kơnòl broă, broă lơh bơh tơngai lơh broă bơh nam 2025 tus nam 2030 dê; cribơyai, tă pơgồp jơnau đơs tàm jơnau rơcang cih ală sră nggal bơh Đảng dà lơgar dê yal Pơrjum dờng cau ala mat gùt lơgar dơ̆ 14 bơh Đảng dê.