Mờ jơnau đơs “Tam klac bal – Ring bal jơnau đơs – Lơh jat jơnau pal jat – Tam gơl pràn – Bơtàu tơnguh”, Pơrjum dờng là dơ̆ nàng jơh gùt Đảng ƀộ Ƀộ Broă lơh sa suơn sre mờ Tiah ơm kis sền wơl gơl gùng 5 nam đơng lam, sồr lơh jat Jơnau lơh nền tàm pơrjum dờng tơngai lơh broă bơh nam 2020 tus nam 2025, ai jơnau bơsram mờng chài; mờ kung ai tơlik gùng dà, jơnau kờñ mờ broă lơh ai tơngai bơh nam 2025 tus nam 2030 in. Ală broă lơh nền tàm pơrjum dờng rơp pơgồp bơnah bal mờ gùt lơgar lam lơh ngan ngồn jơnau kờñ bơtàu tơnguh mhar, kơ̆ kơljap tus nam 2030 – do là tŭ tơngai lơh nền 100 nam Ngai crơng gơs Đảng  Kộng sản Việt Nam; mờ kung wèt tus bơta kơp kơnờm pràn kơldang tàm nam 2045 – tơngkah 100 nam Ngai crơng gơs dà lơgar Việt Nam zân củ kộng hòa, tŭ do là Kộng hòa sàh hội củ nghĩa Việt Nam.

Tàm pơrjum dờng, Đảng ủy Cíñ phủ kung rơp yal jơnau lơh nền sồr tơn pồ Mpồl duh broă Đảng, Mpồl Lơh kơnòl broă sùm, Ƀí thư, Phó Ƀí thư mờ Anih duh broă sền sơ wì Đảng ủy Ƀộ Broă lơh sa suơn sre mờ Tiah ơm kis tơngai lơh broă bơh nam 2025 tus nam 2030.