Mờ jơnau đơs “Tam klac bal – Làng bol lơh tờm – Duh rơngòt adat boh lam – Tam gơl pràn – Bơtàu tơnguh”, Pơrjum dờng cau ala mat Đảng ƀộ càr Lâm Đồng dơ̆ 1, tơngai lơh broă bơh nam 2025 tus nam 2030 geh 498 nă cau ala mat, ala mat mờr 119 rbô 400 nă đảng viên tàm gùt càr tus bal. Mho ngai 09/10, geh lơh dar pơrjum rơcang lài, pơrjum dờng lam lơh pồ Mpồl Củ tịc pơrjum dờng geh 15 nă, Mpồl gơnoar cih pơrjum dờng geh 3 nă; Mpồl sền swì gơnoar cau ala mat geh 5 nă; Ring bal jơnau kờp dŭ tơngume pơrjum, jơnau pal jat lơh broă bơh pơrjum dờng dê; jơnau yal tam pà gơs 8 jơnum cau ala mat cribơyai ală jơnau rơcang cih sră nggal yal Pơrjum dờng mờ Pơrjum dờng cau ala mat gùt lơgar dơ̆ 14 bơh Đảng dê in.

Lơh jat jơnau hòi jà bơh Mpồl Củ tịc Anih duh broă mặt trận dà lơgar Việt Nam mờ Anih duh broă Mặt trận dà lơgar Việt Nam càr Lâm Đồng dê tă pơgồp dong kờl làng bol gơtìp hoàc huơr tài bơh càl rbut dờng sồ 10 lơh gơbàn, tàm dar pơrjum rơcang lài pơrjum dờng neh dờp tă pơgồp dong kờl bơh 128 đảng ƀộ gơ wèt Tỉñ ủy càr Lâm Đồng mờ làng bol mờ khà priă tă pơgồp geh rlau 27 tơmàn 800 tơlak đong.