Đơs tàm dơ̆ đơng lam Pơrjum dờng, Duh broă sùm Ƀan Ƀí thư ồng Trần Cẩm Tú đơs niam ală cồng nha, cồng nha lơh geh tơl ală bơta mờ Đảng ƀộ Cơl dŭ lơh broă Đảng Dà lơgar neh lơh geh tàm tơngai pa do, geh pơnrơ ngan là neh đơng lam, lam lơh gơs niam broă pơlam, drơng broă Mpồl đơng lam Đảng, lơh broă tơn là Ƀộ Cíñ trị, Ƀan Ƀí thư, Duh broă sùm Ƀan Ƀí thư tàm broă đơng lam bồ lơh jăt Jơnau lơh nền tàm pơrjum, Jơnau sồr bơh Đảng, Broă lơh broă, bơsong ală broă geh sùm bơh Đảng mờ ală bơta gơlik ni sơna, gơlik geh; pơgồp bal ndrờm tàm broă lơh bơh ală anih lơh broă pơlam Đảng Dà lơgar dê; pơlam mờ drơng nền nòn Pơrjum dờng 13, tus bal rơcang Pơrjum dờng 14 Đảng dê.

Ồng Trần Cẩm Tú sồr, Đảng ƀộ lơh mhar rơlao tai broă lơh jăt tam gơl sồ mờ lơh niam sră nggal tàm ală anih lơh broă Đảng; tơnguh broă ngui măi mok pa yal tơngit drơng broă đơng lam, lam sồr, mờ gàr ndơ̆p jơnau tơngit, zữ liệu Đảng dê. Bal mờ hơ̆ kung pal tơnguh broă bơ̆t bơtàu Đảng ƀộ tam klăc bal, ring bal, mùl màl kloh niam, pràn kơl dang tơl ală bơta bè cíñ trị, nùs nhơm, bơyai broă mờ nùs nhơm niam; tơnguh uă bơta pràn đơng lam, bơta pràn tam dră bơh mpồl đảng dê.