Tus pơrjum dờng geh 160 nă cau ala măt, 21 nă kwang bàng geh kấp dờng sồr mŭt bal tàm Gah đơng lam mờ 7 nă kwang bàng Mpồl lơh kơnòl broă sùm. Tàm pơrjum dờng, Đại tá Trần Minh Trọng, Phó Cíñ ủy Ling tiah V dờp, jờng rơ ală cồng nha mờ Đảng ƀộ Gah đơng lam Ling klàng càr Dăk Lăk neh lơh geh tàm tơngai do; kung bè broă rơcang pơrjum dờng bal mờ bơyai lơh geh cồng nha 12 pơrjum dờng Đảng ƀộ gơwèt bal tơngai lơh broă bơh nam 2025 tus 2030 mờ lơh geh Jơnau lơh nền tàm Pơrjum dờng tơngai lơh broă do.

Ồng Nguyễn Đình Trung, Ƀí thư Tỉñ ủy càr, Ƀí thư Đảng ƀộ Gah đơng lam Ling klàng càr Dăk Lăk pà git, Jơnau lơh nền tàm Pơrjum dờng geh ai mờ tơngu me “Đòm jăt bơhiàn ờs mờng mpồl phàu crong càr Dăk Lăk khin cha jăk chài; tơrgùm bơ̆t bơtàu Đảng ƀộ kloh niam, pràn kơl dang; mpồl phàu crong càr pràn kơl dang tơl ală bơta, lam lài, pơnrơ jăk; lơh ngan lơh gơs jăk ngan kơnòl ling klàng, sền gàr dà lơgar, sền gàr kơl jăp Dà lơgar Việt Nam sàh hội củ nghĩa tàm bơta pa.