Drim òr (16/10), Ƀộ Cíñ trị, Ƀan Ƀí thư bơyai lơh Pơrjum gùt lơgar lơh jăt bè lơh jăt 4 jơnau lơh nền tàm pơrjum kwơ màng, tàm hơ̆ geh: Jơnau lơh nền tàm pơrjum sồ 59 bè broă tơrgùm bal mờ ală lơgar; Jơnau lơh nền tàm Pơrjum sồ 70 bè tơl phan sa; Jơnau lơh nền tàm Pơrjum sồ 71 bè bơtàu tơnguh bơto bơtê mờ bơsram; mờ Jơnau lơh nền tàm Pơrjum sồ 72 bè sền gàr, drơng gàr, tơnguh uă bơta pràn kơl dang să jan Làng bol.

Đơs tàm dơ̆ sồr lơh, Tổng Ƀí thư ồng Tô Lâm đơs uă tus mờ bơta kwơ màng bơh pơrjum dê, mờ ai tơngŏ ală Jơnau lơh nền tàm Pơrjum do là broă pơn jăt tai mờ bơtơl pràn kơl dang ai “Mpồl Poan Jơnau lơh nền tàm pơrjum” in. Tổng Ƀí thư ồng Tô Lâm sồr pal crơng gơs Mpồl Sồr lơh Dà lơgar gơwèt mờ tơl Jơnau lơh nền tàm pơrjum ha là Mpồl Sồr lơh Dà lơgar bè broă lơh jăt ală Jơnau lơh nền tàm pơrjum bơh Ƀộ Cíñ trị dê. Tổng Ƀí thư sồr ală ƀộ, gah lơh broă dà lơgar, ală càr ƀòn dờng, tơl kwang bàng, đảng viên at tê mơ tàm broă lơh mờ nùs nhơm “đơs gơlòt bal mờ lơh”, cau lam bồ dờp kơnòl cồng nha, ờ pleh.