Pơrjum geh bơyai lơh jăt broă lơh tơn pơgồp bal mờ pờ tơlik tàm internet tus rơlao 1 rơbô 140 anih pờ tàm ală đảng ủy gơwèt bal, mờ rơlao 12 rơbô 500 nă đảng viên tus bal. Tàm pơrjum, ồng Trần Thanh Trường, Lam bồ Vụ Rơndăp broă, Bơta boh lam, Mpồl rơndăp broă Dà lơgar neh yal ală tơngu me tờm bơh Jơnau cih sồ 294 mờ Bơto pơlam sồ 06.

Dùl tàm ală bơta tơngŏ dờng là broă rơndăp tăp sèng wơl mpồl lơh broă Đảng di jăt mpồl lơh broă sră nggal 2 kấp (càr mờ sàh), sơrbì kấp kơnhoàl, di pal mờ broă rơndăp tăp sèng mpồl lơh broă sră pơ-àr gơnoar atbồ Dà lơgar. Dà lơgar kung bơtơl gùng dà tơrlòng lơh, bè broă crơng gơs đảng ƀộ sàh, sơnah ƀòn gơwèt Tỉñ ủy, thàñ ủy; ai loh bè mpồl đảng tàm ală tiah is ồn; mờ lơh wơl, sơrbì ờ uă tơngu me nền nòn ir nàng gàr nùs nhơm di pal, ƀuơn lơh.