Đơs tàm pơrjum, Thủ tướng ồng Phạm Minh Chính ưn ngài ală mpồl lơh sa kă bro sùm lòt bal mờ Dà lơgar, làng bol tàm tŭ gam pal kong hoàc huơr tài bơh trồ tiah lơh aniai, mìu càl rơbŭt dờng.

Đơs sùm nam 2025 là nam dŭt ndơl bơh tơngai lơh broă dê, kung là nam geh ală tam gơl dờng bơh Dà lơgar, jơi bơtiàn dê tŭ lơh jat broă lơh dờng màng bè broă lơh rơndăp tăp sèng, rơndăp broă lơh, tơrmù di pal mpồl lơh broă Dà lơgar; tam gơl ù tiah sră pơ àr gơnoar atbồ kấp càr mờ lơh jat broă lơh gơnoar atbồ ƀòn lơgar 2 kấp, tam gơl bơta bơh broă sră pơ àr kơn jơ̆ bè atbồ tus bơceh lơh bơtàu tơnguh mờ rcang drơng broă làng bol, mpồl lơh sa kă bro... Thủ tướng kơ̆p kờñ ală mpồl lơh sa kă bro lơh geh bal nùs nhơm pa, bơta gơn kơnờm pa, pơgồp bơnah bal mờ gùt lơgar cơnđoà mut tàm rài pa bơtàu tơnguh pas pràn, jak chài, pas gơs.