Pơn jat tai Dơ̆ pơrjum dơ̆ 10, ngai 22/10, Quôk hội cribơyai tàm jơnum bè rơndap lơh Adat tam gơl, bơtơl bàr pe bơta bơh Adat Bơto bơsram, Adat bơto bơsram đại họk mờ Adat Bơto bơsram broă lơh. Uă cau ala mat Quôk hội sền gròi tus broă cih sră măi ndrờm bal, ngui bal tàm gùt lơgar, gàr bơta niam mờ bơta dipal ngan ngồn. Rơndap cih Adat Bơto bơsram (tam gơl) đơs sùm broă tơng gơs ală hìu bơsram làng bol pờ, tơrbŏ bal, bơ tơl broă lơh trung họk broă lơh, lơh gơlik bơta ƀuơn nàng kơnòm bơsram ờ mìng bơsram jơnau git wă tàm sră pơ àr mờ gam geh bơto bơtê bơta chài lơh broă tai.

Rơndap lơh adat kung sồr lơh ƀuơn sră pơ àr gơnoar atbồ, sang tĕ broă lơh ƀằng jơh bơsram kâp 2 mờ jàu gơnoar lơh ƀằng kâp pe bơh Kwang lam bồ Sờh Bơto bơtê mờ Bơsram ai Kwang lam bồ hìu bơsram in. Ală jơnau đơs cribơyai tơrgùm lơh sir jơnau cih nàng kờñ tơnguh bơta niam cau lơh broă, lơh jat jơnau sồr bơtàu tơnguh dà lơgar tàm tŭ tơngai pa.