Củ tịc Quốk hội ồng Trần Thanh Mẫn đơs nền lơgar Việt Nam sùm sền kwơ mờ kơ̆p kờñ lơh nền nòn rơlao bơta git gơ̆p krơi is, lơh broă bal tơl ală bơta mờ lơgar Cuba; mờ đơs niam ală cồng nha mờ Đảng, Dà lơgar bal mờ làng bol lơgar Cuba neh lơh geh bơh tơnơ̆ Pơrjum dờng dơ̆ VIII.

Bè đah să tờm, Củ tịc Quốk hội lơgar Cuba ưn ngài uă ngan nùs nhơm, broă dong kờl bơh làng bol lơgar Việt Nam dê, tàm hơ̆ uă ngan là ală broă tă pơgồp, dong kờl geh Mặt trận Dà lơgar mờ Mpồl Cữ thập đỏ lơgar Việt Nam lam lơh. Ồng đơs nền do là cơng tàng nùs nhơm tam klăc bal kwơ màng đah bàr lơgar dê, mờ ai tơngŏ khà dong kờl rơ̆p geh ngui nàng bơsong ală bơta jal mhar, drơng rài kis làng bol in. Bàr gah ring bal tơnguh lơh broă bal nghị viện, pơn jăt tai bơ̆t bơtàu bơta git gơ̆p lơh bơyô bal kwơ màng đah lơgar Việt Nam mờ lơgar Cuba dê, sền do là “Bơta niam” tàm bơta git gơ̆p mờ ală lơgar dê.