Tàm pơrjum dơ̆ 14 pa do, Mpồl duh broă Đảng Dà lơgar neh tă pơgồp jơnau đơs bè kwang bàng bàr pe gơnoar broă: Phó Củ tịc (Duh broă sùm) Quôk hội khoă 15 mờ Kwang lam bồ Anih cah rơña làng bol dờng ngan rlau jơh Dà lơgar tơngai lơh broă bơh nam 2021-2026 nàng Ƀộ Cíñ trị in lơh nền yal tơngĭt tàm Pơrjum dơ̆ 10, Quôk hội khoă 15 pồ jat jơnau cih. Jat jơnau sồr, Kwang lam bồ Anih cah rơña làng bol dờng ngan rlau jơh Dà lơgar tơnơ̆ tŭ geh pồ rơ̆p yal bơr guh at gơnoar broă tềng đap Quôk hội mờ tơngume do geh pờ tơlik, sơñio rùp tơn nàng cau tĕ khà mờ làng bol in jat sền. Mho dùl ngai bal, Quôk hội cribơyai tàm jơnum bè 2 rơndăp broă lơh Adat Khà kờp làng bol mờ Adat Rcang lài kơryan kòp.

Ƀộ trưởng Ƀộ Lơh sơnơm rơ̆p mblàng, lơh loh bàr pe broă mờ cau ala mat Quôk hội dê đơs. Jat broă lơh lơh broă tàm poh do, Quôk hội pờ tê ring bal Jơnau lơh nền tàm pơrjum bè broă rơndăp lơh bơtàu tơnguh lơh sa- mpồl bơtiàn nam 2026; Jơnau lơh nền tàm pơrjum bè kờp dŭ lài kes priă Dà lơgar nam 2026; Jơnau lơh nền tàm pơrjum bè gùng dà broă lơh tam pà kes priă dà lơgar nam 2026.