Ngai do 4/12, Quôk hội cribơyai tàm jơrnum bè  ală jơnau yal broă lơh tơngai lơh broă bơh nam 2021-2025 bơh Củ tịc lơgar, Cíñ phủ mờ Quôk hội mờ ală anih lơh broă bơh Quôk hội dê, Sền sơwì kờp dŭ priă jền Dà lơgar, Anih cah rơña Làng bol dờng ngan rlau jơh Dà lơgar mờ Viện Kiểm sát làng bol dờng ngan rlau jơh dà lơgar.

Ală kwang bàng đơs là tơngai lơh broă bơh nam 2021-2025 geh bơyai lơh tàm tơngai uă kal ke, bơta lòng, mơya Dà lơgar kung gam gàr niam bơta kơ̆ kơl jăp, gơguh lơh sa geh gàr kơ̆ mờ ală broă lơh tam gơl pràn kwơ màng. Cau ala mat Quôk hội kơ̆p kờñ tàm tơngai lơh broă mờr tus, Quôk hội mờ Cíñ phủ pơn jat tai lòt bal niam ngan, bơceh lơh pràn kơl dang rlau tai ai bơtàu tơnguh Dà lơgar in. Uă jơnau đơs dan mờ Quôk hội lơh jat gơnoar broă “lòt lài dùl cơnđoà bè kơrnoat boh lam”, rcang drơng mhar mờ tam gơl mờ bơta geh ngan, sền kơrnoat boh lam là “tam gơl pràn bơh tam gơl pràn dê”. Lài hơ̆, mho ngai 3/12, tàm Hìu lơh broă Quôk hội, Củ tịc Quôk hội ồng Trần Thanh Mẫn tus bal pơrjum tơn jơh broă lơh khoă 15 bơh mpồl cau ala mat Quôk hội mìng lơh dùl kơnòl broă ală tiah dê.