Củ tịc Quôk hội ồng Trần Thanh Mẫn pà gĭt, dơ̆ pơrjum rơ̆p mŭt lơh tàm ngai 20/10 mờ digơlan tơn jơh tàm ngai 12/12. Digơlan, Quôk hội sền swì, lơh nền 45 rơndăp broă lơh adăt, jơnau lơh nền tàm pơrjum bè broă lơh lơh kơrnoăt boh lam; 13 mpồl tơngume gơrềng tus lơh sa – mpồl bơtiàn, kes priă, jăt sền mờ ală broă kwơmàng ndai; mờ ală anih lơh broă kung pơyua 13 mpồl jơnau yal nàng cau ala măt in kơlôi sơnơng. Bulah bè hơ̆, tus tŭ do pa geh 16 tàm 45 tơngume lơh kơrnoăt boh lam geh Anih duh broă Lơh kơnòl broă sùm Quôk hội ai jơnau đơs.

Củ tịc Quôk hội sồr ală Ƀộ trưởng, Củ tịc Mpồl duh broă Jơi bơtiàn mờ ală Cau kong kơnòl Anih duh broă jăt sền, jăt tus anih ală tŭ cih, yal mờ lùp sền wơl ală rơndăp broă lơh adăt nàng lơh geh bơta niam, di tơngai, pơgồp bơnah tơngguh uă cồng nha lơh broă lơh kơrnoăt boh lam.