Dơ̆ pờ kĭ Bơta kơp kờñ bal Hà Nội geh lơh tàm 2 ngai, 25 mờ 26/10. Jơnau yal bơh Mpồl sồr lơh dê pà git, tus tŭ do geh 93 mpồl kâp dờng, ƀộ trưởng ală lơgar bal mờ rlau 1 rbô nă cau ala mat, cau cih ƀău ală lơgar yal rơp tus bal dơ̆ bơyai lơh do. Ƀộ Kwang àng mờ Ƀộ cribơyai broă mờ lơgar ndai neh pơgồp bal nền nòn mờ anih lơh broă Liên hợp quôk bè ma tuý mờ cau tìs nàng rơcang lài broă lơh mờ 8 broă kềng bơdìh kâp dờng, 38 dơ̆ tìp mat tàm bơyai mờng chài lơh broă, rlau 20 anih ràng tơlik phan.

Đơs pơn dut dơ̆ lơh broă, Củ tịc lơgar đơs sùm jơnau gơtha kah yau bơh broă do dê tŭ Việt Nam dơ̆ sơn rờp bơyai lơh dơ̆ pờ kĭ dùl bơta kơp kờñ bal bơh Liên hợp quôk dê, đơs nền bơngă mờ gơnoar broă bơh Việt Nam dê tàm lơh broă bal ală lơgar bè rơcang lài, kơryan cau tìs tàm internet.