Pơrjum dờng cau ala mat Đảng ƀộ Cíñ phủ geh tơngume: “Bơt bơtàu Đảng ƀộ Cíñ phủ sàng goh kơ̆ pràn; tam klăc, lơh krơh lòt lài tàm jak chài, măi mok, tam gơl pa bơceh lơh; tam gơl sồ; tơnguh mhar tam gơl pràn, bơtàu tơnguh Dà lơgar mhar mờ kơnhăp jŏ tàm rài brồ să, pas pràn, jak chài, bơtàu tơngguh, gơboh gơbài”.

 Lài hơ̆, tàm ngai 12/10, ală cau ala mat neh cribơyai, tă pơgồp jơnau đơs tàm jơnau rcang cih sră nggal Pơrjum dờng dơ̆ 14 bơh Đảng dê, tơngŏ nùs nhơm lơh ngan cíñ trị uă tàm lơh jat ală jơnau kờñ gơboh lơh sa. Yal jơnau cíñ trị tàm Pơrjum dờng sền gĭt 3 tam gơl pràn kwơ màng: lơh sir broă lơh lơh sa drà kă bro pơlam gùng dà Xã hội Củ nghĩa; Bơtàu tơnguh mpồl lơh broă jak pơgồp bal mờ jak chài – măi mok mờ tam gơl sồ; bơtàu tơnguh dồ ròt bal phan bơna bơt bơtàu, ngan là phan bơna bơt bơtàu gùng lòt rê, năng lượng, yal tơngĭt jơnau. Pơrjum dờng đơs sùm jơnau sồr lơh jat niam nùs nhơm lơh lài, khin cha kơlôi, khin cha lơh, khin cha kong kơnòl bơh mpồl kwang bàng, đảng viên dê tàm tơngai pa.