Mang òr (07/10), tàm Hìu lơh broă Cíñ phủ, Thủ tướng ồng Phạm Minh Chính đơng lam Dar pơrjum dơ̆ 16 Mpồl Sồr lơh Dà lơgar bè kơryan tơnhàu phan tàm dà tìs mờ adăt boh lam, ờ yal mờ ờ jăt jơnau sồr Mpồl tam klăc câu Âu dê (IUU). Pơrjum geh bơyai lơh pờ tơlik tàm internet mờ 21 càr, ƀòn dờng jăt gah dà lềng.

Thủ tướng ồng Phạm Minh Chính đơs niam nùs nhơm lơh broă nền nòn bơh ală ƀộ, gah lơh broă dà lơgar, ala càr, ƀòn dờng dê tàm broă lơh pràn, bơsong tă sră rơmit IUU. Bơh poh lài tus tŭ do, sền wơl khà ơhò ờ hềt geh ai sră neh gơmù; ơhò lơh sa ờ tơl bơta geh ai lơh broă gơmù; ơhò crăp phan sền gròi, jăt sền video ngăc ngar gơguh; ờ hềt gŏ bơta gơlik geh tai ơhò lơh sa ờ geh tơrbŏ, sơrlèt mờ nhàr tàm dà lềng; ờ hềt dờp gŏ mùl màl tai ơhò lơh ka gơtìp tìs tàm tiah dà lềng lơgar bơdìh gơtìp kŭp, lơh glài… Đơs tờm nùs nhơm bơsong pràn lơh ngan mờ bơta mùl màl lơh bơh IUU dê, ală bơta pơrlồm tìs, ờ tă dia….; Thủ tướng đơs là di lah kờñ lơh glài jăt bơta boh lam dê, Ƀộ broă lơh sa suơn sre mờ Tiah ơm kis bal mờ ală càr, ƀòn dờng geh jơnau sồr, jơnau dan mờ Cíñ phủ nàng bơsong jơh broă do.