Đơs tàm pơrjum, Thủ tướng ồng Phạm Minh Chính pà gĭt, bơh bồ tơngai lơh broă tus tŭ do, Cíñ phủ neh bơyai lơh 42 dar pơrjum mìng dùl tơngume nàng lơh adat boh lam, tàm hơ̆, bơh bồ nam 2025 tus tŭ do, neh bơyai lơh 09 dar pơrjum; sền sơ wì, tă pơgồp jơnau đơs pơgăp 80 sră nggal rơndăp broă lơh adat, Jơnau lơh nền tàm pơrjum.

Kờp dŭ tàm pơrjum dơ̆ 10, Quôk hội khoă 15, Cíñ phủ rơ̆p yal mờ Quôk hội in pơgăp 113 sră nggal, sră pơ àr, sră yal, jơnau yal, tàm hơ̆ geh 47 rơndăp broă lơh adat, Jơnau lơh nền tàm pơrjum. Tơngai bơh tŭ do tus sơnđờm mut pơrjum dơ̆ 10, ờ gam jŏ tai, mpồl broă lơh kờñ pal rcang lài dờng ngan, Thủ tướng đơs là, kơnòl broă, sồr ai lơh uă ngan, ală bơta, khà lơh kal ke ngan. Den tàng sồr ală Ƀộ trưởng, Kwang lam bồ ală anih lơh broă ndrờm mờ Ƀộ kờñ pal geh nùs nhơm lơh ngan uă, lơh broă kràñ cê jơh nùs, geh cồng nha nàng lơh sir jơnau kờñ tàm broă lơh bơt bơtàu, lơh sir kơrnoat boh lam, tềng đăp mat pal gàr niam bè bơta niam, di tŭ lơh jat ală rơndăp broă lơh adat, Jơnau lơh nền tàm pơrjum yal mờ Quôk hội in ring bal.