Thủ tướng ồng Phạm Minh Chính đơs tờm jơnau kờñ, lơh ngan tam dră mờ broă lơh phan tàm dà ờ di mờ adăt boh lam, ờ yal mờ ờ lơh jăt jơnau geh ai bơh (IUU) dê tài do là pơnyờ, bơngă bơh Đảng, Dà lơgar bal mờ Làng bol tàm ală lơgar dê.

Den tàng ờ gơtùi ờ lơh mờ ờ gơtùi lời jŏ. Tơngai tus tŭ Mpồl lơh broă dơ̆ 5 bơh Anih duh broă câu Âu (EC) tus ờ gam jŏ tai, Thủ tướng sồr pal lơh broă mùl màl, ờ lơh gời, ờ pleh kơnòl broă, jơnau kờñ là lơh ngan tam dră mờ broă lơh IUU, bơsong “sră rơmit” IUU nàng gàr bơngă ai dà lơgar in, tài broă bơtàu tơnguh broă lơh ka kơl jăp, tài rài kis niam bơh làng bol dê, tài bơta gơguh jăk, ndrờm bal, ring bal.