Tàm dơ̆ wă, Thủ tướng ồng Phạm Minh Chính đơs sùm Việt Nam tam gơl pa broă lơh bơtàu tơngguh, tàm hơ̆ pal bơtàu tơngguh mhar mờ kơnhăp jŏ; kơnờm tàm jak chài măy mŏk, tam gơl pa bơceh lơh, tam gơl sồ; bơtàu tơngguh lơh sa tơlir, lơh sa tàm pơdar, lơh sa bơceh lơh, is ồn bơtàu tơngguh gah ƀán zẫn.

Thủ tướng sồr Tơrgùm ală mpồl lơh sa kă bro ƀán zẫn gùt plai ù mờ ală tập đoàn gơ wèt bal sơlơ lơh broă bal tai mờ ală cau tam klăc lơh broă bal lơgar Việt Nam dê tàm bơ̆t bơtàu phan bơna, tàm jàu măy mŏk dong kờl, is ồn là lơh broă bal bơtàu tơngguh cau lơh broă tàm gah broă ƀán zẫn, tàm jàu bơta chài lơh broă, dong Việt Nam lơh gơs mpồl cau mờng chài gĭt wă jrô mờ kỹ sư geh pràn jak lơh broă gùt plai ù lơh geh jơnau kờñ drà kă bro dê. Cíñ phủ Việt Nam đơs nền jơh nùs lơh ngan bơtàu tơngguh pràn kơldang gah lơh sa mờ măy mŏk ƀán zẫn, wèt tus jơnau kờñ ai Việt Nam gơgơs anih tàm tơrbŏ bal kwơmàng tàm ală anih lơh gơlik ƀán zẫn gùt plai ù.