Đơs tàm dar pơrjum, Thủ tướng ồng Phạm Minh Chính đơs loh: bơh tŭ do tus Pơrjum dờng tàm pơrlòng kờñ gơboh dà lơgar dơ̆ 11 gam 1 nhai tai, mpồl broă lơh uă, jơnau sồr uă, kơ̆p kờñ ală cau tàm mpồl Duh broă tàm pơrlòng pà khà jờng lời tŭ tơngai, nùs nhơm bơta pràn, bồ tơngoh lơh jat bơnah broă geh jàu.

Đơs sùm broă rơwah jờng rơ cau khin cha jak chài lơh broă, cau ling khin cha jak chài phàu crong làng bol gơwèt mờ ală mpồl cau, cau dồ nă să is geh cồng nha jak uă ngan, pơn rơ bè: tàm broă lơh rcang lài kơryan kòp dờng Kovid 19; sền gàr lơngăp lơngai Dà lơgar; ală srơh tàm pơrlòng; bơcri priă bơtàu tơnguh phan bơna kwơ màng; tơn jơh hìu lơh ing, hìu ồm sèt ñhăt dà mìu; gàr niam rài kis mpồl bơtiàn; tàp pràn să jan, niam chài; rcang lài bơsong jơnau gơ lời wơl tài bơh mìu càl rơbŭt dờng dà kŏ dà lìu; jak chài măi mok; tam gơl pa bơceh lơh, tam gơl sồ. Thủ tướng tơngkah ờ gŏ di lời huĭ krơh niam dờng màng mờ đơs nền “jờng rơ ală krơh niam ngan là jờng rơ bơta kwơ jơi bơtiàn dê”.