Tàm dơ̆ bơyai lơh, Mpồl Bơyai lơh neh jàu 4 Khà jờng A; 10 khà jờng Ƀ; 12 khà jờng C; 18 khà jờng Pơn jờng ai ală cau cih, mpồl cau cih geh jơnau cih sră ƀăo jak ngan cih bè tơngume rơcăng, dră wơl sa kwề sa kwà, pơhì pơhà, ờ niam.

Tus mờ jàu khà jờng, Thủ tướng Cíñ phủ ồng Phạm Minh Chính pin dờn Khà jờng Sră ƀăo gùt lơgar bè rơcăng dră wơl sa kwề sa kwà, pơhì pơhà, ờ niam rơ̆p sùm tam gơl pa, lơh gơlik bơta pràn lơh gơrề pràn kơldang, bơtơl tai bơta gơn kơnờm, lơh gơlik jơnau gơdan, lơh geh bơta pin dờn ai mpồl ală cau lơh ƀăo in geh khăt gơboh ai jơh pràn bơceh lơh, tă pơgồp dà kơlhề bơta pràn jak, nùs nhơm jơh nùs jơh tồr, bồ tơngoh jak ai broă lơh tam dră rơcăng, dră wơl sa kwề sa kwà, pơhì pơhà, ờ niam in; pơgồp bơnah bơ̆t bơtàu rài sră ƀăo kăc màng mờng chài tàm broă lơh, niam chài kòn bơnus, pa ngan; bơ̆t bơtàu dà lơgar pas pràn, bơtàu tơngguh, jak chài, gơboh gơbài tàm rài pa.