Chờ hờp tềng đap bơta bơtàu tơnguh tàm bơta git gơp lơh sa – kă bro phan mờ priă lơh geh bơh kă bro phan geh rlau 7 tơmàn dolar Mỹ mờ đơs bơta pràn lơh broă bal đah 2 lơgar gam uă ngan, Thủ tướng ồng Phạm Minh Chính sồr Kòn klau bơtau lơgar Kuwait ồng Sheikh Sabah Khaled Al-Hamad Al-Sabah sền gròi sồr chồl tơnguh lơh broă bal tàm ală gah lơh sa – kă bro phan – bơcri priă, năng lượng – nhơm zờu, sền gàr dà lơgar – lơngap lơngai, jak chài măi mok, tam gơl pa bơceh lơh, tam gơl sồ, lơh broă mờ bơto bơtê mờ bơsram.

Tàm dơ̆ lòt còp Thủ tướng Kuwait lài do, Thủ tướng ồng Phạm Minh Chính đơs nền, mờ pràn jak mờ gơnoar broă pa, Việt Nam crăp rơcang là lơgar lơh broă bal pin dờn mờ kơljap sùm tàm broă rơndap lơh li la lơh sa bơh Kuwait dê, ngan là tàm gah năng lượng, măi mok, ală mpồl tac phan, bơcri priă mờ priă jền.