Mho òr (21/10), Thủ tướng ồng Phạm Minh Chính neh cribơyai tàm điện thoại mờ Thủ tướng Thái Lan ồng Anutin Charnvirakul. Bàr nă kwang đơng lam bồ chờ hờp tềng đap broă 2 dà lơgar tơnguh bơta git gơp gơs Lơgar lơh broă bal jŏ jòng tơl làm tàm nhai 5 pa do; pà git, lơh broă bal đah Việt Nam mờ Thái Lan gam bơtàu tơnguh pràn kơldang, geh cồng nha tàm uă broă. Thủ tướng Cíñ phủ đơs nền, Việt Nam rơp pơn jat tai lơh gơlik bơta ƀuơn ai mpồl lơh sa kă bro Thái Lan in bơcri priă, kă bro geh cồng nha tàm lơgar Việt Nam; mờ kung kơp kờñ 2 gah lơh pràn tàm tơrbŏ bal gùng lòt, lơh broă bal lơngăp lơngai, niam chài, bơto bơsram mờ tìp mat lơh kwèng làng bol.

Thủ tướng Thái Lan ring bal uă ngan, đơs sùm bơta pal geh bơh broă tàm pơgồp bal jơh nùs nàng mhar ai priă lơh geh bơh kă bro đah 2 gah geh 25 tơmàn dolar Mỹ pah nam, mờ kung kơp kờñ geh tai uă mpồl lơh sa kă bro Việt Nam bơcri priă tàm lơgar Thái Lan tàm ală gah lơh sa mờ măi mok, broă lơh sa suơn sre mờ măi mok pa.