Thủ tướng jờng rơ lơh ngan bơh ală Ƀộ, gah broă, ală tiah, ală mpồl lơh sa kă bro mờ làng bol, đơs nền ală cồng nha lơh geh neh tă pơgồp kwơ màng tàm gơguh lơh sa- mpồl bơtiàn, tơnguh uă bơta pràn jak atbồ dà lơgar mờ bơta niam drơng broă làng bol. Thủ tướng đơs sùm jơnau sồr tam gơl pràn bơh bồ tơngoh kơlôi sơnơng lam lơh jat broă lơh tus atbồ jat cồng nha, ai phan bơna geh ngan mờ ală bơta niam nùs bơh làng bol, mpồl lơh sa kă bro lơh bơta đo was uă ngan rlau jơh. Tờm ngan là lơh sir kơrnoat boh lam, broă lơh dong kờl tam gơl pràn, ngan là tàm bơtàu tơnguh lơh sa ală jơnau mờ bồ tơngoh kòn bơnus lơh gơlik.

Thủ tướng sồr ală Ƀộ mhar bơt bơtàu mờ yal ai lơh jat sră nggal bơto pơlam ală Adat Tam gơl sồ, Bồ tơngoh jak kòn bơnus lơh gơlik, Lơngăp lơngai internet, Kă bro điện tử gàr niam tŭ tơngai ai lơh jat mờ mut lơh jat ndrờm bal mờ adat, pleh lơh ờ niam adat boh lam. Ƀộ Kwang àng kơlôi sơnơng, bơt bơtàu yal mờ Cíñ phủ in ai lơh jat: Jơnau lơh nền bơh Cíñ phủ dê bè broă lơh tam gơl pràn bơtàu tơnguh bơh Anih tờm Bơceh lơh, ngui ală jơnau gơwèt Anih tờm ală jơnau dà lơgar, lơh sir tàm qúy 1 nam 2026.