Thủ tướng ồng Phạm Minh Chính đơs loh: Ai priă bơcri dà lơgar nam 2025 geh uă bơta tam gơl niam. Tàm 8 nhai do, gùt lơgar ai priă bơcri dà lơgar geh 409 rbô tơmàn đong, geh 46,3% broă rơndap lơh mờ Thủ tướng Cíñ phủ jàu, gơguh 5,9% bè khà mờ gơguh mờr 135 rbô tơmàn 300 tơlak đong bè khà pơndrờm bal dùl tŭ nam 2024. Thủ tướng hòi jà tơnguh nùs nhơm geh kơnòl uă ngan rlau jơh tàm broă ai priă bơcri dà lơgar, pơgồp bal bơta pràn, dùl nùs bal nàng sơrlèt gan kal ke, bơta lòng, ờ lời gơlik geh bơta lơyài, ờ lời gơlik geh bơta geh priă mơya ờ gơtùi dơ̆ ngui, sac rơ wah di cau tờm lơh rơndap broă mờ jơnau sồr lơh jat di jơnau hơ pơrgon, di tŭ tơngai hơ pơrgon mờ jat sền pah poh, di tŭ tam gơl cau tờm lơh rơndap broă ờ lơh gơtùi jơnau sồr. Bơh hơ̆, sồr lam lơh ai priă bơcri dà lơgar, lơh jat tŭ tơngai hơ pơrgon, lơh geh cồng nha, tơnguh bơta niam broă lơh, di jơnau sồr, di broă rơndap lơh, sră pơ àr, ờ lời gơlik geh bơta ờ niam, sa kuề sa kuà, pơhì pơhà.