Mho òr (09/09), tàm Hìu lơh broă Đảng Dà lơgar, Mpồl Lơh broă sồ 2 bơh Ƀộ Cíñ trị dê lơh broă mờ ala măt ală Mpồl lơh kơnòl broă sùm Tỉñ ủy càr Tây Ninh mờ Tuyên Quang nàng pơgồp jơnau đơs tàm ală jơnau rơcang cih sră nggal mờ gùng dà broă kwang bàng kấp ủy yal Pơrjum dờng cau ala măt Đảng ƀộ càr tơngai lơh broă bơh nam 2025 tus 2030.

Mpồl lơh broă sồ 2 geh Thủ tướng Cíñ phủ ồng Phạm Minh Chính đơng lam dơ̆ lơh broă. Jơnau đơs bơh ală kwang bàng tàm Ƀộ Cíñ trị, Ƀan Ƀí thư dê geh ring bal mờ jơnau rơcang cih ală sră nggal bơh Tỉñ ủy càr Tây Ninh mờ Tuyên Quang dê, mờ sồr lơh loh tai ală cồng nha geh pơnrơ, ală gah broă gam ờ pràn, bơtơl mờ cih loh bè bơta geh, bơta pràn bơh tơl càr dê, bơtơl gùng dà broă lơh jŏ jòng tàm tơngai pa mờ ai geh jơnau kờñ gơwèt mờ tơl càr dê. Mìng is gơwèt mờ càr Tây Ninh, ồng Phạm Minh Chính sồr Đảng ƀộ càr do lơh pràn broă bơ̆t bơtàu Đảng, mpồl lơh broă cíñ trị kloh niam, pràn kơl dang, ngui bơhiàn khin cha, jăk chài, pràn kơl dang; lơh pràn broă bơtàu tơnguh lơh sa mpồl bơtiàn; gàr niam dà lơgar lơngăp lơngai; bal mờ gùt lơgar mŭt tàm rài pa, rài brồ să jơi bơtiàn dê