Tàm dơ̆ tìp mat Thủ tướng lơgar Australia, bàr gah ring bal sơlơ tơnguh tai cribơyai mpồl kwang bàng kâp dờng, lam lơh geh cồng nha Broă lơh Lơgar lơh broă bal jŏ jòng tơl làm, wèt tus priă lơh geh bơh kă bro đah 2 gah geh 20 tơmàn dolar Mỹ, rề ơnàng lơh broă bal ling klàng, tam gơl sồ, jak chài măi mok mờ bơto bơtê cau lơh broă.

Thủ tướng Australia ồng Anthony Albanese đơs nền, Việt Nam là lơgar lơh broă bal sồ 1 bơh lơgar Australia dê tàm tiah đah jum mat tơngai lik câu Á. Tàm dơ̆ tìp mat mờ Phó Thủ tướng Nga, 2 gah ring bal chồl tơnguh kă bro phan ring bal, lơh broă bal phan bơna, gùng rơndeh ồs mờ mhar sơn đờm lam lơh rơndap broă lơh đèng hạt ñân Ninh Thuận 1; mờ kung tă bơsong ală bơta gơ kòl kă bro phan, dong kờl mpồl cau Việt Nam tàm lơgar Nga kơljap sùm mờ bơtàu tơnguh.