Thủ tướng đơs nền, Việt Nam sùm sền dờng màng bơta git gơp lơh bơyô geh bơt bơtàu bơh tŭ tơngai tam lơh ai lơngăp lơngai is, tŭ Việt Nam là dùl tàm ală lơgar sơn rờp dờn dờp Cíñ phủ ing Algeria tàm nam 1958. Thủ tướng ồng Phạm Minh Chính đơs sùm là, bulah ală bơta tàm dunia tam gơl, bơta đềt mềr đah 2 lơgar kung ờ tam gơl, tài Việt Nam mờ Algeria sùm lòt bal tàm ală tŭ tơngai kal ke ngan rlau jơh. Mờ bơta git gơp lơh broă bal jŏ jòng pa geh tơng gơs, Thủ tướng sồr  2 gah gờñ bơt bơtàu broă rơndap lơh ngan ngồn, sồr lam lơh cribơyai mpồl ală kâp, rề ơnàng lơh broă bal lơh sa, kă bro phan mờ bơcri priă. Thủ tướng kơp kờñ Kwang atbồ lơgar Algeria ring bal broă Quôk hội Algeria gờñ kĭ ală jơnau kĭ hơ 2 gah mờ lơh gơlik bơta niam nàng rề ơnàng ală rơndap broă lơh tơnhàu, lơh gơlik zờu bơh mpồl lơh sa kă bro Việt Nam tàm Algeria dê.