Tàm dơ̆ tìp mat, Thủ tướng Cíñ phủ ồng Phạm Minh Chính pà gĭt, tàm dơ̆ lòt còp do, 2 lơgar rơ̆p ring bal tơnguh bơta gĭt gơ̆p đah 2 gah gơguh tus gơnoar broă pa; tŭ do, Kuwait gam bơcri priă tàm Hìu măi jồr zờu Nghi Sơn kờp jơh geh priă bơcri 9 tơmàn dolar Mỹ mờ hơ ai zờu ờ hềt lơh gơlik jŏ jòng ai Hìu măi in.

Rơndăp broă lơh mut lơh broă lồi nam 2018 là dùl tàm ală rơndăp broă lơh bơcri priă lơgar ndai dờng ngan rlau jơh tàm lơgar Việt Nam, pah nam pà pơgăp bơh 5 tus 7 tơlak tấn xăng, zờu ai drà kă bro tàm  dơlam lơgar in, pơgồp uă ngan tàm broă gàr tơl năng lượng ai Việt Nam in, pà phan lơh geh ai uă gah lơh gơlik phan tàm lơgar. Gơrềng tus broă lơh mpồl bơtiàn cau Việt Nam kis tàm lơgar ndai, Thủ tướng kơ̆p kờñ làng bol sùm pràn kơl dang, chờ hờp, sùm tam klăc bal, đềt mềr, tam pà bal, dong kờl bal mờ gơ̆p, sùm wèt rê mờ ƀòn lơgar tờm mờ Dà lơgar.