. Rơbàng geh sơn đờm lơh bơh lồi nam 2024 jat jơnau sồr lơh jal mhar, ala rbàng yau gơtìp tơrlơm tài bơh càl rbut dờng Yagi lơh aniai tàm nhai 9 nam 2024. Rbàng geh kờp jơh priă bơcri lơh rlau 635 tơmàn đong mơya lơh gơs mìng mờ rlau 438 tơmàn đong, tềm pềr mờr 196 tơmàn đong mờ lơh gơs lài 3 nhai pơndrờm mờ broă rơndap lơh. Ling mpồl 12 – Tổng Kông ty Bơt bơtàu Trường Sơn dờp kơnòl lam lơh.

Đơs tàm dơ̆ ai ngui, Thủ tướng ồng Phạm Minh Chính đơs, rơndap broă lơh rbàng Phong Châu ai tơnggŏ jơnau lơh nền di ngan tŭ jàu ală ƀộ, gah broă lơh dà lơgar mờ càr in pơgồp bal lam lơh, dong tơrmù lơyah tŭ tơngai lơh gơs pơndrờm mờ broă lơh rbàng ờs mờng tus 10 nam, mờ kung gàr bơta niam, bơta kơ̆ kơnhăp. Khà priă tềm pềr rơp geh bơcri lơh mơ ai phan bơna 2 gah rbàng in, pơgồp bơnah bơsong jơnau gơ lời wơl tơnơ̆ càl rbut dờng lơh aniai, gàr kơ̆ rài kis mờ chồl tơnguh bơta bơtàu tơnguh lơh sa mpồl bơtiàn tiah do.