Do là sàh tiah tiah kơh bơnơm ngài ngan, ù tiah kơh bơnơm kal ke, rài kis làng bol dê gam uă kal ke, tàm tŭ rlau 600 nă kơnòm bơsram kung gam pal bơsram tàm ală hìu bơsram ing, siơ̆u siar phan bơna. 

Thủ tướng đơs nền, broă lơh hìu bơsram pa geh gơtha kuơmàng ngan, là rùp pơrya bơh bơta tam klac bal, ai tơnggŏ bơta sền gròi bơh Đảng, dà lơgar dê gơ wèt mờ làng bol tiah nhàr lơgar – ù tiah nhàr lơgar kơ̆ kơnhăp bơh dà lơgar dê. Thủ tướng sồr càr pơgồp bal ai ù lơh hìu bơsram, hòi jà priă jền tă pơgồp bơh mpồl bơtiàn dê nàng gàr di tŭ tơngai hơ pơrgon mờ bơta niam hìu bơsram, lơh ngan lơh gơs lài mờ ngai 30/8/2026. Di dơ̆ do, Thủ tướng pà hìu bơsram in pang rùp “Wa Hồ pơn chèu pơrhê kơnòm bơsram in”, ai tơnggŏ bơta pin dờn mờ bơta kơp kơnờm tàm pơgru, kơnòm bơsram tiah nhàr lơgar.