Mờ bơhiàn dờng màng, mờ bơta pràn mờ bơngă pin dờn bơh 1 anih lơh broă mblàng yal tờm bơh 80 nam bơt bơtàu, dờng pràn, Thủ tướng ồng Phạm Minh Chính đơs là Anih jơnau đơs Việt Nam pal pơn jat tai pơnđơl pràn lơh ngan, tam gơl pa rlau tai jơh bal bè bồ tơngoh kơlôi sơnơng, bơta gĭt wă mờ lơh broă, lơh geh bơta tam gơl pràn, tơnguh uă cồng nha tơl bơta broă lơh sền gàr bơhiàn ờs mờng, tàm pơrdờn broă lơh, cih tai pang kah yau dờng màng mờ ală rơnàng lòt lài neh ai uă dà kơl hề bơt bơtàu mờ nùs nhơm bơh sră ƀăo kăc màng “Lòs tàm gai cih, ồs tàm plai nùs” tă pơgồp uă ngan rlau tai tàm broă lơh bơt bơtàu, bơtàu tơnguh Dà lơgar mờ sền gàr Dà lơgar.

Thủ tướng sồr Anih jơnau đơs Việt Nam pơn jat tai tam gơl pa bồ tơngoh kơlôi sơnơng, broă lơh, sền gròi bơta niam, cồng nha, lơh jat niam rlau tai kơnòl broă yal tơngĭt jơnau, mblàng yal jơnau mờ gùng dà broă lơh 30 jơnau “Di ngan, niam ngan, di tŭ - rcang lài, ngăc ngar, bơceh lơh - lòt bal, tơryang tơryồng, geh kơnòl - Bơhiàn niam chài, jak chài, pa ngan- Jơh nùs lơh ngan, di tŭ, geh cồng nha”. Di dơ̆ do, Thủ tướng pà Anih jơnau đơs Việt Nam in 16 akhar “Khin cha- gơtùi lơh - tơl làm - Di tŭ - Bơhiàn niam chài - Lơh sồr - Bơceh lơh- Cồng nha”.