Thủ tướng jờng rơ uă ngan lơh broă bal Việt Nam mờ Sơn Đông tàm tơngai pa do, ngan là tìp mat lơh kwèng ală kấp, bơcri priă kă bro phan là bơta niam mờ uă mpồl lơh sa kă bro măi mok pa bơh Sơn Đông dê lơh broă geh cồng nha tàm Việt Nam.

Đơs nền Việt Nam sùm sền dờng màng mờ ai lơh lài bơtàu tơnguh bơta gĭt gơ̆p mờ lơgar Lo, Thủ tướng kơ̆p kờñ Sơn Đông bal mờ ală tiah lơgar Việt Nam pơn jat tai sơlơ tơnguh tai tìp mat lơh kwèng, tam pà bal mờng chài rơ̆ ru, bơto bơtê mpồl lơh broă, ngan là tàm ală gah mờ Sơn Đông geh bơta ƀuơn, bơta pràn. Ồng sồr Sơn Đông tam pà mờng chài rơ̆ ru lam lơh Tiah Kă bro phan khat gơboh mờ broă lơh ƀuơn ngan lơh geh drà kă bro nàng dong kờl mpồl lơh sa kă bro Việt Nam tus rềp mờ drà kă bro niam ngan rlau tai.