Mho òr (11/11), tàm Hìu lơh broă Cíñ phủ, Thủ tướng ồng Phạm Minh Chính wă Ƀộ trưởng Ƀộ Lơh broă mờ Bơta kuơ cau lơh broă in lơgar Lào ồng Phosay Sayasone. Thủ tướng ai tơnggŏ bơta chờ hờp tềng đap bơta git gơp lơh broă bal kuơmàng Việt Nam – Lào pơn jat tai bơtàu tơnguh niam bơnĕ, kơnhăp kơ̆ tàm tŭ tơngai tiah do mờ dunia geh uă tam gơl.

Thủ tướng đơs nền, Việt Nam rơp sùm lòt bal, dong kờl uă ngan rlau jơh tàm bơta pràn he dê nàng bal mờ lơgar Lào lơh geh bơta kơ̆ kơljap mờ bơtàu tơnguh kơnhăp jŏ. Tàm dơ̆ wă, Thủ tướng sồr 2 Ƀộ sơlơ tơnguh tai tàm pơgồp bal, tơrgùm kơlôi sơnơng bơt bơtàu gùng dà lơh broă bal pa tàm gah lơh broă mờ cau geh màng mờ dà lơgar, di mờ bơta geh ngan tŭ do. Bơh hơ̆, 2 gah rơp kĭ jơnau ring bal lơh broă bal nàng kờñ rề ơnàng tơngume pơgồp bal, lơh pràn tam pà yal tơnggit jơnau, ai mờng chài tàm broă atbồ mờ tìp mat tơm boh bơr broă lơh.