Thủ tướng đơs sùm, 6 nhai bồ nam 2025, Việt Nam neh lơh geh uă cồng nha niam: broă lơh sa dờng geh gàr kơ̆, roh giă priă geh gròi sền, ală bơta tàm pơnring dờng geh gàr niam, dồs dà lơgar, tă dơ̆ ngui uă kes priă tàm bơta gơtùi sền gròi, rài kis làng bol geh tơnguh niam. Việt Nam lam lơh broă lơh priă jền ngac ngar, pơgồp bal geh cồng nha mờ broă lơh nam priă jền, sền dờng màng priă jền tàm lơgar, mờ kung ngui priă jền bơh bơdìh tai. Den tàng, broă mpồl bơtiàn ală lơgar, tàm hơ̆ geh IMF dong kờl bè jơnau bơceh lơh là priă jền dong kờl Việt Nam.

Ồng Kenji Okamura đơs niam broă lơh bơh Việt Nam dê, đơs là, broă lơh gơguh lơh sa tŭ do gơ wèt tàm tac phan hờ lơgar ndai mờ FDI mơya neh geh uă broă lơh pa, ngan là ală rơndap broă lơh phan bơna kuơmàng. IMF rơcang dong kờl, sồr Việt Nam sền gròi bơtàu tơnguh drà priă jền, sồr ngui trái phiếu, sền gròi dồs dipal nàng tàm pơnring đah gơguh lơh sa mờ gàr kơ̆ broă lơh sa dờng, mờ kung tàm tơrbŏ bal priă bơcri ală lơgar ai Việt Nam in.