Thủ tướng đơs sùm, broă lơh jat sră nggal sồ 59 ngai 12/9/2025 bơh Mpồl sồr lơh dà lơgar tơn jơh Jơnau lơh nền tàm pơrjum sồ 18 mờ jơnau kờñ là lơh mpồl lơh broă sră pơ àr gơnoar atbồ bơh anih lơh broă cíñ trị dê dipal, lơh broă geh cồng nha, tơnguh bơta lơh tờm is, tơnguh bơta niam, tơnguh cồng nha broă drơng ala dà lơgar, drơng broă làng bol, mpồl lơh sa kă bro.

Thủ tướng sồr ală ƀộ, gah broă lơh dà lơgar pơn jat tai kờp sền jơh broă lơh jat ală jơnau lơh nền tàm pơrjum, sră nggal bè rơndap tap sèng, tơrmù dipal mpồl lơh broă sră pơ àr gơnoar atbồ, mờ kung tàm pơndrờm mờ ală sră nggal cíñ trị ndai geh gơ rềng bè Jơnau lơh nền tàm pơrjum sồ 71 bè tam gơl pràn bơtàu tơnguh bơto bơtê mờ bơsram, jơnau lơh nền tàm pơrjum sồ 72 bơh Ƀộ Cíñ trị dê bè bàr pe broă lơh tam gơl pràn, sơlơ tơnguh tai sền gàr, sền gròi mờ tơnguh niam pràn kơldang să jan làng bol nàng geh broă rơndap lơh niam ngan rlau jơh, gàr niam broă kham sơm kòp làng bol in dồ bă ƀuơn ngan rlau jơh, gàr niam kơnòm bơsram in geh lòt bơsram.