Thủ tướng ồng Phạm Minh Chính pa đơng lam dar pơrjum Mpồl Sồr lơh Dà lơgar bè kơryan tơnhào phan tàm dà lềng tìs mờ adat boh lam, ờ yal jơnau mờ ờ lơh jat jơnau sồr bơh IUU dê. Jat jơnau yal bơh Ƀộ Broă lơh sa suơn sre mờ Tiah ơm kis, tơngai pa do ală tiah jat kềng gah dà lềng neh lam lơh dồ ròt bal uă broă lơh, lơh geh cồng nha niam ngan: khà ơhò ờ tơl ală bơta lơh broă gơmù, 80% ơhò kŭp ka tàm gùt lơgar neh sền gĭt ală jơnau yal kăn kướk làng bol bơh cau tờm ơhò tơmŭt tàm măi mok.

Thủ tướng sồr ală Ƀộ, gah broă đơs ờ mờ bơta tơnhào phan tàm dà lềng IUU, yal cồng nha lơh broă pah poh. Ƀộ Broă lơh sa suơn sre mờ Tiah ơm kis pal lơh sir ală phan gròi sền, ờ gŏ di lời ơhò kŭp ka lik tàm dà lềng tŭ ờ hềt tàm tơrbŏ bal mờ ală măi mok jat sền gùng lòt VMS. Ƀộ Ling klàng sơlơ tơnguh tai lòt sền, kơryan ơhò kŭp ka lơh tìs tàm tiah dà lềng lơgar ndai, lơh sir lơh geh ală măi mok gròi sền lài mờ ngai 30/10/2025.