Thủ tướng đơs sùm kờñ pal sền broă tơn jơh IUU là “jơnau yal bơr tam dră wơl” bè gơ wèt mờ phan ờ ngan, phan sa ờ ngan, sơnơm ờ ngan, ai jơnau kờñ tus ngai 15/11/2025 pal tơn jơh bơta do. Ală Ƀộ, gah broă lơh dà lơgar, càr, ƀòn dờng ờ lơh jat niam rơp gơtìp lơh glài jat Jơnau sồr sồ 32 bơh Ƀan Ƀí thư dê. 

Thủ tướng jàu Ƀộ Kwang àng đơng lam pơgồp bal mờ Ƀộ Ling klàng, Ƀộ Broă lơh sa suơn sre mờ Tiah ơm kis bal mờ càr, ƀòn dờng kờp sền jơh mpồl ơhò lài mờ ngai 05/10, mờ kung pal yă ală broă geh gơ rềng. Ồng kung sồr tàm 5 ngai, Ƀộ Broă lơh sa suơn sre mờ Tiah ơm kis mờ Ƀộ Sền gàr adat boh lam lơh sir Jơnau lơh nền Cíñ phủ sồ 38, tơnguh khà lơh glài broă lơh tìs sră pơ àr gơnoar atbồ. Gơnoar atbồ càr, ƀòn dờng pal ai tơlik lài gùng dà tam gơl bơh kup phan ngài gah dà lềng gơ gơs ròng, tam, lơh gơlik phan dà lềng kơ̆ kơnhăp sùm.