Thủ tướng tơngkah Đảng ƀộ càr Thanh Hoá pal gĭt nền bơta gơlik geh, jăt rềp ală gùng dà, nùs nhơm, jơnau sồr lơh bơh Đảng dê; pal khin cha, pin dờn, bañ hừh nùs tềng đăp bơta ƀươn, mơya kung bañ dơrcul nùs tềng đăp kal ke. Gĭt wă jrô bồ tơngoh “làng bol là nggu” tàm tơl broă lơh; pal gĭt iăt kơno làng bol, pal tài làng bol, pal lơh bè lơi jơh ală broă lơh dong kờl ndrờm kơlôi tus làng bol. Tàm bơtàu tơngguh lơh sa, pal tơrgùm tam gơl pràn 4 tiah tờm gơn kơnờm geh: Nghi Sơn, Sầm Sơn, Bỉm Sơn mờ Lam Sơn; geh ală gùng dà, broă lơh tam gơl ală tiah tờm do gơgơs tiah lam bồ lơh sa càr dê.

Thủ tướng đơs sùm kơnòl broă lam lơh tơngai 2 Jơnum tơrgùm Lơh jồr zờu Nghi Sơn, bơtàu tơngguh Anih ơhò ơm Tơrgùm bal Nghi Sơn gơgơs anih ơhò ơm dà lơgar, tiah tờm logistics kơnhoàl ù tiah do mờ là dùl tàm ală anih ơhò dà lềng ală lơgar dê ơm dờng tàm tiah đah Tô dà lơgar, lơh gơlik geh bơnàng jă nàng Thanh Hoá in tam gơl pràn tàm tơngai tus.