Thủ tướng đơs sùm, Đảng mờ Dà lơgar sùm sền bơto bơtê là broă lơh dờng bơh Dà lơgar lam lài; broă ai lơh jat Jơnau lơh nền tàm pơrjum sồ 71 nàng kờñ bơsong bơta gơ kòl, lơh pa wơl, bơtàu tơnguh broă bơto bơtê. Jơnau kờñ tus nam 2035, ală broă lơh bơto bơtê geh lơh pa, gàr niam bơta ring bal, cồng nha bơto bơtê; sền sơnơng tus nam 2045, Việt Nam gơwèt mpồl 20 Dà lơgar geh broă bơto bơtê lam lài dunia, tơl nă làng bol geh tŭ tơngai niam bơsram jơh rài kis.

Broă lơh lơh broă lam lơh tơn bơh nam 2025 mờ ală kơnòl broă: lơh sir rơndăp broă lơh Adat, bơt bơtàu broă lơh krơi is; kờp sền, tam gơl niam broă lơh bơto bơtê pe kấp; ngui ală sră măi ring bal bơh nam 2026-2027; lơh tus ờ sa priă sră măi ai kơnòm bơsram in bơh nam 2030. Mờ Cíñ phủ kung rơ̆p gờñ lam lơh broă lơh bè priă nhai, priă dong kờl ai mpồl cau pơgru mờ kwang bàng atbồ in.