Thượng tướng ồng Lê Huy Vịnh lòt sền broă lơh gàr niam măi mok drơng dơ̆ ai ling lòt tàm pơdar, làng bol lòt tàm gùng di tơngkah Sơntờm dà lơgar 02 nhai 9
Thứ tư, 14:38, 27/08/2025
Cau mblàng: K'Duẩn/VOV
Cau mblàng: K'Duẩn/VOV
VOV.Kho- Mho òr (26/08), Thượng tướng ồng Lê Huy Vịnh, Thứ trưởng Ƀộ Ling klàng lòt còp mờ sền sơ wì ală mpồl lơh broă bơta chài măi mok drơng dơ̆ ai ling lòt tàm pơdar, làng bol lòt tàm gùng Tơngkah 80 nam Sơntờm dà lơgar tàm Trung đoàn 916, Sư đoàn 371, Mpồl ling rơcang gàr kơl wàng trồ - ling rơndeh par.
Đơs nền jơnau gơtha bơh kơnòl broă A80 dê, Thượng tướng sồr ală anih lơh broă, mpồl lơh broă pơn jat tai lơh niam broă lơh bơto bơtê, pơlam lơh jat kơnòl broă, bơt bơtàu bơta pơn đơl pràn ai kwang bàng, cau ling in; sền gròi tus rài kis phan bơna, nùs nhơm bơh cau ling dê.
Thượng tướng ồng Lê Huy Vịnh đơs sùm, ală mpồl drơng broă măi mok pal tơnguh nùs nhơm geh kơnòl, lơh tờm phan tam lơh, măi mok, gàr niam măi mok dồ bă niam ngan rlau jơh. Tơnơ̆ tŭ lơh gơs kơnòl broă, ală mpồl pal lam lơh sac rơ wah, pà phan ƀàn di tŭ mờ ai ling ntrờn dồ bă nền nòn, lơngăp lơngai.
Viết bình luận