Ngai 21/9, tàm càr Dăk Lăk, Mpồl bơyai lơh Dơ̆ pơrlòng Rơndap broă lơh Sơn đờm mut lơh broă tơlir dơ̆ 11. Mpồl bơyai lơh neh yal 9 rơndap broă lơh niam ngan bơh tiah tàm gùl lơgar mờ Tây Nguyên dê mut tàm dar dut ndơl gùt lơgar. Bơh 26 rơndap broă lơh tus bal pơrlòng, Mpồl ai điểm neh rơ wah 3 rơndap broă lơh ƀàng A mờ 6 rơndap broă lơh ƀàng B.

Pơn rơ ngan geh ală rơndap broă lơh: Tơngi khoah phòng ờ bơrlŭ tàm càr Gia Lai, lơh jriang lơ u pơgồp bal mờ phan drơng wơl broă lơh sa suơn sre tàm càr Lâm Đồng mờ tam gle lơh sa kơ̆ kơljap sùm tàm càr Quảng Ngãi, phan bong lơh hàng să jan tơlir bơh tờm xương rồng bơh jŏ tàm ƀòn lơgar, giấm táo Rangfarm tàm càr Khánh Hòa, phan bong lơh hàng să jan mìng lơh bơh kơmhồ plai thañ long tàm càr Lâm Đồng mờ Chilinext – Bơta kuơ plai mrĕ dê tàm ƀòn dờng Đà Nẵng. Tơnơ̆ 2 dar mờr dut ndơl tàm ƀòn dờng Hồ Chí Minh mờ càr Dăk Lăk, gùt lơgar neh rơ wah geh 28 rơndap broă lơh mut tàm dar dut ndơl. Dar mờr dut ndơl lồi dut rơp geh lơh tàm Hà Nội bơh ngai 26 tus ngai 28/9.