Đơs tàm dơ̆ tìp măt, Củ tịc Anih duh broă Mặt trận Dà lơgar Việt Nam ồng Đỗ Văn Chiến pơyoa jơnau ưn ngài uă ngan tus ală bơyô ală lơgar neh kờñ bal, pơgồp bal tus mờ broă tam lơh tơnklàs jơi bơtiàn, tơrgùm dùl dà lơgar, bơ̆t bơtàu mờ sền gàr Dà lơgar Việt Nam.

Lơgar Việt Nam gam lơh ngan tus nam 2030 là lơgar bơtàu tơnguh, geh broă lơh sa mờ măi mok pa, priă geh tơl nă cau gơguh uă, tus nam 2045 là lơgar bơtàu tơnguh, geh priă uă. Nàng lơh geh ală jơnau kờñ do, ồng Đỗ Văn Chiến đơs tờm, Đảng, Dà lơgar bal mờ Làng bol lơgar Việt Nam kơ̆p kờñ rơ̆p pơn jăt tai geh dờp uă rơlao tai broă sền gròi, kờñ bal, dong kờl bal jơh nùs, geh cồng nha bơh ală bơyô ală lơgar tàm ală gah broă dê. Di tàm dơ̆ do, ồng Đỗ Văn Chiến neh jào Huân cương Git gơ̆p mờ Sră jờng rơ bơh Thủ tướng Cíñ phủ ao ală mpồl lơh broă bal mờ ală cau in nàng dờp broă kờñ bal mờ pơgồp bal niam bơh bơyô ală lơgar dê gơwèt mờ lơgar Việt Nam.