Đơs tàm tơn jơh pơrjum, Tổng Ƀí thư ồng Tô Lâm neh tơrgùm jơh ală cồng nha tờm mờ ală tơngu me broă pal lơh bơh tŭ do tus Pơrjum Dà lơgar dơ̆ 15 mờ Pơrjum dờng cau ala măt gùt lơgar dơ̆ XIV Đảng dê. Mờ đơs tờm, Mpồl duh broă Đảng Dà lơgar neh cri bơyai nền nòn, lơh tờm mờ broă ring bal uă kwang bàng geh yal mŭt bal Ƀộ Cíñ trị, Mpồl Đơng lam Đảng Dà lơgar khoă XIV.

Mpồl duh broă Đảng Dà lơgar jào Ƀộ Cíñ trị mờ Mpồl dềt broă kwang bàng Pơrjum dờng dơ̆ XIV Đảng dê pơn jăt tai sền wơl, bơtơl, lơh gơs ală gùng dà broă lơh kwang bàng di jăt gùng dà broă lơh kwang bàng Mpồl duh broă Đảng Dà lơgar khoă XIV mờ broă lơh kwang bàng neh geh ai nàng yal Mpồl Duh broă Kwang bàng Đảng Dà lơgar in sền sơwì ai tơlik jơnau tàm Pơrjum Dà lơgar dơ̆ 15 mờr tus. Tàm tơngai tus, Tổng Ƀí thư sồr, tơrgùm drơng gàr, lơh niam ai broă lơh tơrlòng gơnoar atbồ bàr kấp in lơh broă pràn, geh cồng nha.