Tơnơ̆ 4 ngai lơh broă jal mhar, nền nòn mờ nùs nhơm “Tam klăc – Làng bol Lơh tờm –Duh ngòt adăt boh lam – Kơ̆ nùs– Tam gơl pràn – Bơtàu tơnguh” mờ nùs nhơm geh kơnòl uă, drim òr (02/10), tàm Hìu pơrjum Ƀộ Ling klàng, Pơrjum dờng cau ala măt Đảng ƀộ Mpồl ling klàng dơ̆ XII, tơngai lơh broă bơh nam 2025 tus 2030 neh lơh gơs broă geh ai mờ pơrjum tơn jơh.

Đơs tàm dơ̆ tơn jơh Pơrjum dờng, Tổng Ƀí thư ồng Tô Lâm, Ƀí thư Anih duh broă Đơng lam Đảng Mpồl ling klàng Dà lơgar đơs nền, ală gùng dà broă lơh mờ Pơrjum dờng ring bal là gùng dà broă lơh kwơ màng nàng Đảng ƀộ Mpồl ling bal mờ gùt ling klàng lơh ngan bơ̆t bơtàu Đảng ƀộ Mpồl ling kloh niam, pràn kơl dang tơl ală bơta, lam lài, gơnrơ jăk, bơ̆t bơtàu mpồl ling klàng làng bol tam gơl bơta yau gơgơs bơta pal ngan ngồn, jăk chài, pa ngan, tơnguh uă bơta pràn sền gàr dà lơgar, sền gàr kơl jăp gơnoar tờm, tơl làm ù tiah Dà lơgar tờm Việt Nam sàh hội củ nghĩa, pơgồp bơnah bơ̆t bơtàu dà lơgar ring lơngai, pas gơs, pràn kơl dang, gơguh jăk, gơboh gơbài, kơl jăp guh jăt gùng dà Củ nghĩa sàh hội.