Tàm dơ̆ tus còp, Tổng Ƀí thư ồng Tô Lâm rơ̆p đơng lam bal mờ Dơ̆ tìp dờng đah Đảng Kộng sản Việt Nam mờ Đảng Ñân zan Kăc màng Lào bơh ngai 01 tus ngai 02 nhai 12 nam 2025, jăt jơnau jà bơh Tổng Ƀí thư Mpồl đơng lam Đảng Làng bol Kăc màng Lào, Củ tịc lơgar Kộng hoà Zân củ Ñân zân Lào ồng Thongloun Sisoulith bal mờ Pơ-ùr.

Dơ̆ lơh broă bơh Tổng ƀí thư dơ̆ do rơ̆p lơh geh bơta pràn pa ai broă lơh broă bal jŏ jòng đah bàr lơgar dê tàm jơh ală gah broă. Do là dùl tàm ală broă lơh broă bal mờ lơgar ndai kwơ màng lơgar Việt Nam dê tàm nam do mờ là dơ̆ tus còp kấp Dà lơgar sơnrờp ngan tus lơgar Lào bơh Tổng Ƀí thư ồng Tô Lâm dê tàm gơnoar broă pa. Dơ̆ tus còp ờ mìng ai tơngŏ broă lơh lài kung bè tơnơ̆ lơgar Việt Nam dê sùm ai lài uă ngan tàm bơta git gơ̆p lơh bơyô bal kwơ màng, tam klăc bal, lơh broă bal tơl ală bơta mờ lơgar Lào, mờ gam ai tơngŏ broă lơh ngan bơh lơgar Việt Nam dê bal mờ lơgar Lào bơ̆t bơtàu nùs nhơm kơlôi sơnơng pa, ai bơta git gơ̆p đah bàr lơgar gơguh tàm bơta pa mờ broă pin dờn cíñ trị uă rơlao, ai geh ală broă lơh pràn mờ lơh pràn broă bơtàu tơnguh mùl màl kơl jăp bơta git gơ̆p đah bàr lơgar tàm tơngai pa.