Tổng Ƀí thư ồng Tô Lâm còp ngan ngồn Lơgar Bơtau Anh mờ đah Tô Ireland
Thứ ba, 13:42, 28/10/2025
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV.K'Ho- Drim ngai 28/10, Tổng Ƀí thư ồng Tô Lâm bal mờ Pơ ùr mờ mpồl cau ala măt kâp dờng lơgar he lòt bơh Hà Nội lòt gùng còp ngan ngồn Lơgar Bơtau Anh mờ đah Tô Ireland jăt jơnau jà bơh Thủ tướng lơgar Anh ồng Keir Starmer dê.
Dơ̆ lòt lơh broă đơs nền Việt Nam sền dờng màng gơnoar broă, bơngă bơh lơgar Anh dê tàm kơnhoàl ù tiah do mơkung lơh kơ̆ kơl jăp, tơngguh broă gĭt gơ̆p 2 gah tàm broă lơh lơh broă mờ lơgar ndai bơh lơgar Anh mờ câu Âu dê. Bàr đah kơ̆p gơn lơh pràn lơh broă bal tàm ală anih cribơyai uă gah, lơh niam gơnoar broă lơh kòn gùng lơgar Việt Nam dê tàm gĭt gơ̆p Asean mờ lơgar Anh.
Do là dơ̆ lòt còp bơh sơnrờp bơh Tổng Ƀí thư lơgar Việt Nam dê tus lơgar Anh tơnơ̆ 12 nam, gơcèng jơnau gơtha kah yau, tơnggŏ bơta pin dờn jŏ jòng đah 2 lơgar, pờ tơlik pơlam gùng lơh broă bal loh làng, mùl màl, pơgồp bơnah ai gĭt gơ̆p đah Việt Nam mờ Anh bơtàu tơngguh jrô ơnàng làm uă, cồng nha rlau tàm tơngai tus.
Viết bình luận