Dờp jơnau jà bơh Tổng Ƀí thư Đảng Lơh broă lơgar Triều Tiên, Củ tịc lơgar Kộng hòa zân củ ñân zân Triều Tiên ồng Kim Jong-un, Tổng Ƀí thư Mpồl duh broă Đảng Kộng sản dà lơgar Việt Nam ồng Tô Lâm còp kâp dà lơgar tus lơgar Kộng hòa zân củ Ñân zân Triều Tiên bơh ngai 09 tus ngai 11/10/2025.

Tàm dơ̆ lòt còp do, đơng lam tờm ngan 2 Đảng, 2 dà lơgar rơp cribơyai uă, git nền ală gùng dà, broă lơh dờng chồl tơnguh bơta git gơp 2 gah bơtàu tơnguh geh cồng nha, ngan ngồn, dipal mờ bơta kuơ mờ bơta kơp kờñ bơh làng bol 2 lơgar dê, dipal mờ ală jơnau sồr geh gơ rềng, tă pơgồp tàm ring lơngai, kơ̆ kơnhap, lơh broă bal mờ bơtàu tơnguh tàm tiah do mờ tàm dunia. Bàr gah ring bal sơlơ tơnguh tai ală dơ̆ lòt còp mờ tìp mat kâp dờng, rề ơnàng tìp mat lơh kwèng, tàm pơ gơl mpồl ală kâp jat gah Đảng, dà lơgar mờ mpồl bal làng bol dồ bă ngan ngồn, geh cồng nha nàng kờñ sơlơ tơnguh bơta wă wờng bal mờ gơp mờ tam pà bal mờng chài tàm ală broă mờ 2 gah geh jơnau kờñ.