Tàm dơ̆ cri bơyai, Bàr kwang đơng lam bồ neh cri bơyai tơrgùm bal bè bơta tàm tơl lơgar, bơta git gơ̆p đah lơgar Việt Nam mờ lơgar Triều Tiên mờ ală bơta tàm ală lơgar, tàm tiah do geh sền gròi bal.

Bàr gah ring bal tơnguh broă tam gơl mpồl kấp dờng mờ ală kấp tàm ală gah Đảng, Dà lơgar, Cíñ phủ, Quốk hội, lơh broă bal ală tiah nàng tơnguh broă tam pà bal broă lơh mờng chài, tơnguh nùs nhơm pin dờn cíñ trị mờ git wă bal; geh sùm cồng nha ală gùng dà cri bơyai mờ lơh broă bal, kơlôi sơnơng bơta pràn lơh broă bal tàm ală gah broă gơdờp bal; lơh pràn broă tìp bal làng bol, tơnguh nùs nhơm git gơ̆p lơh bơyô bal đah bàr lơgar. Tổng Ƀí thư, Củ tịc lơgar Triều Tiên ồng Kim Jong Un đơs nền, lơgar Triều Tiên kơ̆p kờñ lơh broă bal nền nòn mờ lơgar Việt Nam tàm broă bơ̆t bơtàu Đảng mờ bơtàu tơnguh dà lơgar, tŭ lơi kung kờñ lơh pràn broă lơh bal tàm uă gah broă gơdờp bal. bàr kwang đơng lam bồ neh cri bơyai bè bơta tàm tiah do mờ ală lơgar, ring bal tơnguh lơh broă bal, kờñ bal mờ tam gơl bal tàm ală pơrjum uă lơgar bè Liên hợp quốk, Pơrjum cri bơyai tàm mpồl ASEAN.